Connect with us

Orientation

كيفاه تولي مهندس في تونس ؟

Published

on

 كيفاه تولي مهندس في تونس ؟

 هذا المقال مخصص لجماعة الباك باش يعرفوا مختلف الطرق اللي تنجم تخليهم يتخرجوا مهندسين في تونس … الهندسة هي مجال كبير و تخصصاتها متعددة مش باش نحكيو عليهم في المقال هذا لكثرتهم أما باش نركزوا على كيفاش تتحصل على شهادة المهندس. إذا إنتي مهتم بالهندسة ننصحك تتعرف على المجالات الي تنجم تفيد تونس. الهدف من هذا المقال هو تقديم مختلف التوجهات الي تؤدي للهندسة و ذلك إنو بارشة عباد يعتقدو إنو الطريقة الوحيدة هي الـprepa و الـConcours …

قبل ما نبدى نحب نقول الي الهندسة بإختلاف مجالاتها هي مهنة لحل المشاكل و مواجهة التحديات بالمنهجية , التفكير و الإبتكار و دراساتها تعتبر تحدي في حد ذاتها . مهنة الهندسة هي مهنة مقترنة بالتكنولوجيا , القيادة و الإدارة. و على إختلاف الطرق اللي تنجم توصلك للشهادة الوطنية للمهندس فإنها عموما مش ساهلة و تعتبر من أصعب التوجهات في تونس .

أول حاجة خلينا نشوفو هيكلة التعليم العالي في الجامعات التونسية :Résultat de recherche d'images pour "‫هيكلة التعليم العالي في الجامعات التونسية‬‎"

إنجموا نلاحظو إلي الهيكلة تذكر 4 طرق تنجم توجهك للدراسات الهندسية على إختلافها لكن في الواقع و في تونس إنوا فما 7 طرق مختلفة تنجم توصلك للهندسة.

1- المراحل التحضيرية للدراسات الهندسية

Image associée

 هي عبارة عن سنتين من الدراسة هدفها تقديم تكوين متين للطلبة يقدم فيه الأساسيات للدراسات الهندسية و تحضرهم لخوض المناظرة الوطنية.

فما 4 أنواع من المراحل التحضيرية و حسب نوع الباكالوريا متاعك تختلف المرحلة التحضيرية اللي تنجم تعملها

* رياضيات-فيزياء خاصة بالتلامذة المتحصلين على باكلوريا رياضيات
*فيزياء -كيمياء خاصة بالتلامذة الماحصلين على باكلوريا علوم تجريبية أو اعلامية أو رياضيات 
*بيولوجيا- جيوبوجيا خاصة بالتلامذة المتحصلين على باكلوريا رياضيات أو علوم تجريبية
* تقنية خاصة بالتلامذة المتحصلين على باكلوريا علوم تقنية
بعد العامين هاذوما تعديو كنكور على قريتوه في العامين و النتائج تتحسب بالرتبة موش بالمعدل . الي ينجح فيه الكنوكور يدخل لمدرسة من مدارس تكوين المهندسين بالطبيعة حسب الرتبة الي جابها على مستوى وطني و حسب البقاع المفتوحة في كل مدرسة .

أذا تخب تتطلع على التخصصات اللي تنجم توصللهم بعد النجاح في المناظرة الوطنية تنجم تعمل طلة في الموقع :

www.cningenieur.rnu.tn

2- المراحل التحضيرية المندمجة

هي préparatoire ، كيف المراحل التحضيرية الكل تدوم عامين و ما عندك الحق في الرسوب كان عام واحد ، وفيها مناظرة بش تتعدى للمرحلة تكوين المهندسين
المناظرة فيها تكون خصوصية ، خصوصية معناها بالملفات ، عكس ال-préparatoire classique ، إلي فيها مناظرة وطنية
بعد النجاح في العامين préparatoire ، كل طالب عندو محموع نقاط  ، و يتم تحديد نسبة الطلبة الي باش يكملوا 3 سنين ويتحصلوا على الشهادة الوطنية لمهندس.

(تراوحت هذه النسبة في سنة 2018 بين 95% و80%  حسب الشعب في الـINSAT )

فما زوز معاهد فقط يدرسوا بنطام المرحلة التحضيرية المدمجو هما المعهد الوطني للعلوم التطبيقية والتكنولجيا بتونس ( INSAT ) و المعهد العالي للعلوم التطبيقية والتكنولجيا بسوسة ( ISSAT )

إذا تحب تاخو فكرة مفصلة على الـINSAT شوف المقال هذا :

INSAT Mode d’emploi: explications générales

لهنا تلقى أكثر معلومات على المرحلة التحضيرية : رياضيات – فيزياء – إعلامية MPI

INSAT Mode d’emploi : Le Cycle Préparatoire MPI

لهنا تلقى أكثر معلومات على المرحلة التحضيرية : كيمياء – بيولوجيا CBA

INSAT Mode d’emploi : Applied chemistry and biology

تنجم زادة تشوف الطاقة الإستيعاب حسب الشعبة بالباكالوريا و مجموع أخر موجه لسنة 2018 في الصفحة 66 من كتاب التوجيه 2018

Résultat de recherche d'images pour "insat"

Résultat de recherche d'images pour "issat"

3- المناظرة الخصوصية بعد الإجازة

 تنظم وزارة التعلـيم العـالي والبحـث العلمـي منـاظرات خصوصـية بالملفـات للـدخول إلـى السـنة الأولـى بمؤسسات تكوين المهندسين كل سنة. و يسمح بالمشاركة في المناظر ات الخصوصية ل لدخول إلى مؤسسات تكوين المهندسين عادة وفقا للشروط الموالية :
تاتحصل على إجـازة تطبيقيـة أو إجـازة أساسـية فـي الإختصاصـات العلميـة والتقنيـة فـي إطـار نظـام الإجـازة
والماجسـتير والدكتوراه،متحصــل عليهـا خــلال السـنة الجامعيـة السابقة للمناظرة.
كما تشترط عدم الرسوب خلال الدراسة.

و تقدم الوزارة كافة التفاصيل و التخصصات على الموقع :

www.cningenieur.rnu.tn

Résultat de recherche d'images pour "isetcom"Résultat de recherche d'images pour "iset benzart"Résultat de recherche d'images pour "iset sousse"

4-المناظرة الخصوصية بعد سنة من الماجستر

هي مماثلة للمناظرة الخصوصية بعد التحصل عللى شهادة الإجازة و لكن تختلف معاها في التخصصات و البقاع المفتوحة كما أنوا الناجحين بهذه المناظرة يتم ترسيمهم بالسنة الثانية في المدارس الوطنية لتكوين المهندسين.

أما عن الشروط فإنوا يجب على المترشح النجاح بالسنة الأولى ماجستير في الإختصاصات العلمية والتقنية في إطار نظام الإجازة والماجستير والدكتوراه.

و كيف المناضرة الخصوصية للمتحصلين على الإجازة فالوزارة تقدم كل المعلومات بالموقع :

www.cningenieur.rnu.tn

Image associée

5-المدرسة الوطنية للهندسة المعمارية والتعمير
بتونس

الهندسة المعمارية هي مهنة تصور,تصميم , رسم و متابعة لمختلف أنولع البناءات : صناعية , سياحية , عمومية أو مساكن كيما أنوا المهندس المعماري ينجم يقوم بمشاريع ترميم و صياانة للبنايات الأثرية.

باش تقرى هندسة معمارية في سيدي بوسعيد يلزم تتوجه إما بعد التحصل على شهادة باكالوريا أو بمناظرة إعادة التوجيه في مارس من كل عام.

تدوم الدراسة بالمدرسة الوطنية للهندسة المعمارية ستة سنوات تتقسم على مرحلتين :

-مرحلة أولى بسنتين تختم بتربص يدوم شهر و نصف

-مرحلة ثانية من أربع سنوات : ثلاث سنوات دراسة و سنة لتربص مهني

تنجم زادة تشوف طاقة الإستيعاب حسب الشعبة بالباكالوريا و مجموع آخر موجه لسنة 2018 في الصفحة 67 من كتاب التوجيه 2018

Résultat de recherche d'images pour "‫المدرسة الوطنية للهندسة المعمارية والتعمير بتونس‬‎"

6- المدارس الخاصة لتكوين المهندسين

إذا ما نجمتش تقرى هندسة في الجامعات العامة  أو إذا فما شعبة ما لقيتهاش في مدارس تكوين المهندسين العامة فإنوا تنجم تشوف المدارس الخاصة و هنا  تلقى قائمة في المدارس الخصوصية مقدمة من قبل وزارة التعليم العالي.

بالطبيعة الدراسة فيها تطلب فلوس لكن زادة فما شروط للقبول بكل مدرسة خصوصية و ذلك حرصا منها باش تختار طلبة يساهمو في بناء سمعتها.

 

7-التعليم العالي العسكري

www.defense.tn

توفر وزارة الدفاع تكوينا هندسيا للمتحصلين حديثا على شهادة الباكالوريا بالأكادميات العسكرية. لدخول الأكادميات يفترض على المترشح تقديم مطلب على الموقع الإلكتروني لوزارة الدفاع. و لا تحدد الوزارة أي مجموع نقاط أو معدل أدنى لقبول المترشحين. بل تشترط أن يكونو من حاملي الباكالوريا العلمية أي : رياضيات , تقنية أو علوم تجريبية. و يخضع المترشحون لإختبارات عديدة صحية , نفسية و بدنية قبل قبولهم بالأكادمية أو تحديد التخصص الذي يدرسونه و تفترض بعض التخصصات إختبارات أكثر من تخصصات أخرى. و يتم تكوين المهندسين بالمؤسسات العسكرية التالية:

– مدرسة الطيران برج العامري

– الأكاديمية العسكرية

– الأكاديمية البحريــــة

 

1- مدرسة الطيران برج العامري

تتمثل مهمة مدرسة الطيران ببرج العامري في تكوين عسكريين و مدنيين لفائدة وزارة الدفاع الوطني عموما، و جيش الطيران خصوصا، و كذلك لفائدة مؤسسات الطيران المدني في الميادين العسكرية و ميادين الطيران و الملاحة الجوية و الرصد الجوي واختصاصات علمية أخرى.

كما يمكن للمدرسة تنظيم دورات تكميلية و دورات رسكلة و القيام ببحوث علمية و تقنية في نطاق اختصاصها لفائدة مؤسسات وطنية عمومية أو خاصة تتعاقد معها.

و تبقى المهمة الأساسية للمدرسة هي تكوين الضباط لنيل الشهادة الوطنية لمهندس في اختصاصات سياقة الطائرات، والجولان الجوي والأرصاد الجوية والميكانـــيك والتيليميكانيك وأنظمة الطيران والإتصـالات و الإعلامية.

ولقد تمكنت المدرسة من تكوين معظم الفنيين و الطيارين التابعين لشركات الطيران الوطنية وتأهيلهم ورسكلتهم،

الاختصاصات

تؤمن مدرسة الطيران ببرج العامري  لدارسيها التكوين في أحد الاختصاصات التالية:

  • سياقة الطائرات
  • ميكانيك
  • تيليميكانيك
  • أنظمة الطيران
  • جولان جوي
  • رصد جوي
  • اتصالات
  • هندسة إعلامية

Résultat de recherche d'images pour "‫مدرسة الطيران برج العامري‬‎"

2-الأكاديمية العسكرية

التعريف والمهمــة

الأكاديمية العسكرية هي مؤسسة للتعليم العالي العسكري تتكفل بتكوين التلامذة الضباط لفائدة جيش البر والمصالح التابعة لوزارة الدفاع الوطني ولوزارات أخرى في المجالات العسكرية والمعنوية والعلمية حسب الشعب التالية:

  • كل الأسلحــة،
  • تقنيات الأسلحة،
  • إلكتروميكانيك،
  • هندسة إعلامية،
  • اتصـــالات،
  • علوم قانونية وتصرف،
  • هندسة مدنية.

Résultat de recherche d'images pour "‫الأكاديمية العسكرية‬‎"

3-الأكاديمية البحريــــة

الأكاديمية البحرية هي مؤسسة تعليم عال عسكري تتمثل مهمتها في:
  • تكوين ضباط لفائدة جيش البحر والبحرية التجارية.
  • تنظيم شهادة الماجستير المهني في:

-شؤون البحارهندسة السواحل والمواني البحرية.

-القيام ببحوث علمية وتقنية.

تنظيم الدراسة لشعبة البحرية الوطنية:

تشمل شعبة البحرية الوطنية اختصاصين:

  • قيادة سفن و أنظمة بحرية،
  • طاقة و تقنيات بحرية،

كما تتولى الأكاديمية البحرية تكوين ضباط في اختصاص هندسة إعلامية تشمل ثلاث خيارات:

  • أنظمة المعلومات والمعرفة،
  • أنظمة وشبكات،
  • هندسة إعلامية وتطبيقات تكنولوجية.

تشمل الدراسة بشعبة البحرية التجارية فرعين:

فرع الدراسات الهندسية:

تشمل اختصاصين:

  • ملاحة بحرية.
  • طاقة و محركات.

Résultat de recherche d'images pour "academi marine tunisie"

خلاصة :

حبينا نحكيو على مختلف الطرق اللي تنجم تسلكها في تونس و توصل إلى الهندسة . بالطبيعة تنجم زادة تقرى في الخارج لكن مش في متناول الناس الكل ز حبينا نحكيوا على الإمكانيات في بلادنا خاتر عدد هام من النخبة متاعها للأسف قاعدة تقرى و تنفع في الجامعات و الدول الأجنبية .

و نختم بالقول :

الهندسة بحر و الطرق اللي تنجم توصلك متنوعة في تونس تختلف صعوبتها حسب وضعيتك لكن كل طريق تتطلب تضحيات و خدمة و عزيمة. المجالات اللي تنجم تلقاها متنوعين و أهم حاجة إنك ترسم هدف , تختار الثنية للهدف متاعك و تخدم باش توصلو و ربي يوفقنا جميعا .

Like
Like Love Haha Wow Sad Angry
132

Share your thoughts

Opportunités

منحة للمتفوقين بالباكالوريا

Published

on

By

« Le programme d’élite » هو برنامج بعثته « La fondation BIAT pour la jeunesse » لدعم الطلبة المتفوقين في دراستهم و الدفع بهم نحو مزيد من التألق و يهدف البرنامج لبناء نخبة قادرة على النهوض بمستقبل تونس.

يتمثل برنامج المتفوقين في منحة للمنتفعين به، كما يمكنهم من : دورات تكوينية في اللغات، دورات في ريادة الأعمال و تنمية الشخصية، رحلات ثقافية و عديد الأنشطة و الفعاليات التي تدعم الطلبة في مسارهم الدراسي و تنمي طموحهم و روح المواطنة فيهم …

إنطلق برنامج « Le programme d’élite » سنة 2014 ليضم قرابة الـ 50 طالب سنويا، و يتواصل إلى السنة الحالية ليصل عدد المنتفعين به إلى حوالي 150 طالب. يفتح باب الترشحات للمتفوقين في الباكالوريا لسنة 2018 من 1 أوت إلى حدود 20 أوت عبر الموقع الإلكتروني لمؤسسة البنك العربي الدولي للشباب :

www.fondationbiat.org.tn

شروط القبول بالبرنامج هي :

    • – أن يكون المترشح من حائزي شهادة الباكالوريا بتفوق.
    • – أن يكون ناشطا في الحياة الإجتماعية و الثقافية.
  • – أن يكون له  حلم أو طموح يود تحقيقه في المستقبل.

أما عن فرز المترشحين فيتم عبر مرحلتين :

    • أولا، عبر الملفات و ذلك بدراسة الملف الذي يقدمه المترشح عبر الموقع الإلكترني لمؤسسة البنك العربي الدولي للشباب.
      • ثانيا، عبر مقابلة مع خبراء في التربية و ريادة الأعمال.
        • يمكن البرنامج منتفعيه من المشاركة في عديد الأنشطة و الفعاليات التي تكون لهم سندا في مسارهم الجامعي و تهيئهم للحياة العملية. يمكن لكل من تحصل على شهادة الباكالوريا من الترشح لبرنامج « Le programme d’élite » عبر الرابط :

للمزيد من المعلومات يمكنكم الإطلاع على الفيديوات التالية :

Like
Like Love Haha Wow Sad Angry
2

Share your thoughts

Continue Reading
0