قصة من خيال الكاتب ليست لها صيلة بالواقع و لا شىء أخر , قصة وهاذاكا هو

ماشى للبحر ماشى الثنية موش كى أى ثنية نحب البحر و نتنفس ريحتو و على قد ماهو كبير هامى و مشاكلى أكبر أما أحلامى أعمق بمشاكلى , نراجع روحى نحاول نفهمها أما شى , نتكى على الحجر نرتاح بالك ربى إهزنى و و إهز مشاكلى معايا , رقدت و هزنى النوم و سرحت بخيالى ساعا ساعا نبكى ساعا ساعا نضحك , أما تاو لا عرفت لا نبكى لا نضحك معرفتش روحى لا فى الدنيا لا فى حلما ! كل شى مكسر كل شى مهرود أنا وين ؟ نمشى شويا و كل شى حاسس بيه نقرص روحى بالك فى حلما أما شى .

نمشى و نزيد نمشى و نسأل فى روحى أسألة وجودية و نغزر قدامى نلقا جندى متعدى , مشيتلو سألتو أحنا وين ؟ قالى فى بلاد « خر-طر » مشهورة بزنقة « الهارب » و أحنا فى حرب مع دولة « البقدونس » و حتى هى مشهورة بزنقة « المشنوق » هازيت راصى و تنهدت و قلت حسب قرايتى و خبرتى وفازاتى فى المكتب مقريناهمش أللهم طايح كونترول فى الدنيا و تاو فقت.

مشيت معاه و نسمع فى الناس تصيح و تعيط « يحيا الزعيم » غزرت عالليمين هالليسار الفوق اللوطة ملقيت حد وينو ملهم الجماهير ؟ سألت الجندى قالى الناس بحذا صمبا كل مايتعداو إصيحو و يستكثرو خيروا , و أحنا هاكاكا نحكيو جا جيش الرئيس و هزو الناس الكل باش تحارب و معاهم أنا خاطر الجيش شويا و قريب يخسر ضد دولة  » البقدونس » .

مفهمت شى شمدخلنى رانى مانيش من هونى و مانعرف حد و جيت درا كيفاه !

جاوبنى واحد فيهم قالى و لبستك إلى لابسها منين جات ؟ غزرت الروحى ! نلقى روحى لابس نفس لبستهم ! كيفاه لبستهم و قتاش ؟

حطوه فى الكريتا و هزوه للثكنة وكلوه و شربوه و علموه السلاح , سمعت الجملة هاذى لعبت عليا الدوخا و هازونى مع الشعب للثكنة فى كريتا .

وصلنا و أنا عامل روحى ميت و إلا تعرفشى كيفاه نفيق لا يحشيونى مع الكلاب مانى فاهمهم أنا تفرجت فى برشا إفلام و لا علينا فى الخاتمة .

كليت و شربت و رقدت كى الناس ملاح و من غدوا أول تمرين و هو كيفاه تحارب بالسيف و ترمى الرمح و فما أمكانيا إكون عندى قوة خارقة كان سمعت كلامهم !
أـــــــــــــه حنانة نحب نقوم أنا وين و علاش أنا هونى كيفاه جيت ؟؟؟؟
*يتبع*

بقلم حسام حسين