Connect with us

Société

India : expectation vs reality

Published

on

كي نسمع الهند يجي في بالي بوليود والأفلام متاعهم عرس 7 أيام كاملة يعديوها يشطحو ويغنيو عادي فيلم كامل يتعدا أكاكا وديما البطل قتلولو بوه و يحب ينتقم. أما اليوم مش بش نحكي على بوليود الخبراء حاطين الهند بش اطيّح امريكا وتتنافس مع الصين على أقوى اقتصاد في العالم 2050 والتوقعات هاذي مش جاية مالحيط أما من خدمة بدات من 2014.

نبداو ماللول.

تعد جمهورية الهند الثانية في الترتيب من حيث عدد السكان ب1,3 مليار ساكن وفي حلول عام 2024 بش تفوت الصين وتولي 1,44 مليار ساكن.

والحاجة إلي تعجب هي أنو السكان بش يكونوا أكثرهم شباب معناها العباد إلي تخدم بش تكون أكثر من إلي ما يخدموش في 2050 التوقعات تقول أنو بش يوليو  1,1 مليار عامل ومعدل أعمار السكان 27,3.

بخلاف هذا الهند تعد سابع أقوى اقتصاد في العالم و الثالثة في القوة الشرائية وحاطينها بش تحقق نمو اقتصادي ب 7,4 وتفوت الصين.

رجل المرحلة

ناريندرا مودي هو رئيس الوزراء متاع الهند من 2014 حتى التوا، مهمتو هي تحقيق النمو يجيب الاستثمار و يخلق مواطن شغل ويحول الهند لقوة اقتصادية قادرت تنافس امريكا والصين اقتصاديا، سياسيا، و عسكريا  مسوؤلية كبيرة ياسر تعطات لمودي اما السؤال هو شكون هذا ومنين جا وشنوا الي خلاه هكا؟

الحاجة الي خلات الهند لكل تختار مودي وتساندو، هي انوا هو مش رجل سياسة كلاسيكي. مودي جاي من عايلة فقيرة وكي كان صغير كان يبيع في التاي مع بوه في محطة التران. من 2001 لـ2014 ولمدة 13 سنة، مودي كان الحاكم متاع ولاية غوجارات  الي فاها 65 مليون ساكن الي حققت نمو بـ%10.

 وهذا الشي الي لفت الانظار ليه.

في الحملة الانتخابية متاعوا وعد انوا يطبق النمو هاذا على الهند الكل واكثر من هذا وعد انوا يحققوا في 10 سنين بركا وهذا الي خلاه يربح في 2014 باغلبية ساحقة مشهدتهاش الهند من 30 سنا.

العوائق و الامر الواقع

كان لاحظتوا من لول و انا نقول الخبراء يتوقعوا و الكلام الكل توقعات ممكن تصير وممكن لا .في الوقت الحالي الهند عندها برشا مشاكل.

أول حاجة بلاد تحب تطور لازمها تشجع الاستثمار في الحالة متاعنا، الهند تحتل المرتبة 130 في التسهيلات متاع الاستثمار والاوراق الادارية الي هي كارثة كبيرة واكثر من هكا الضرائب على السلع ؛ مثال باكو بسكوي اذا كان بشكلاطا تخلص عليه سوم واذا كان بلاش تخلص سوم اخر. نعرف حاجة تضحك اما هذا الواقع وبش توصل السلعة  تتعطل ياسر وممكن تضيع  لدرجة انك تجيب سلعة مالبرة أسهل من انك تعاداها من ولاية لولاية منحكيوش عاد عالبنية التحتية واكا التصويرة الشهيرة متاع التران في الهند.

الهند معروفة بالفساد برشا ؛ مثال شطر المساعدات متوصلش لناس الفقراء و يفكوها الناس الفاسدة. بش يكافح الفساد قرر مودي انوا يسحب الفلوس فئة 1000 روبل و 500 روبل و يبدلهم الي هوما يمثلوا 80% من الفلوس الموجودة الي عمل ازمة مالية في الهند البنوك معندهاش فلوس بش تبدل للمواطنين، وهذا الي خلا صادرات البلاد تتراجع ورجال الاعمال معادش ينجموا يخلصوا العمال.

حاجة اخرى عادي في الهند يقدموا 25 مليون شخص وهوما طالبين 90 الف بركا مثال في كونكور الشرطة متاع مومباي قدموا 200 الف وقبلوا الف و 300 برك.

الاصلاحات

مودي مقعدش يتفرج عمل لجنة هي الي تقرر اناهم  القوانين الي لازم يتناحاو والي لازم يبقاو  لحد توا فما الف و700 قانون نحاواه.

عمل قوانين لمكافحة الفساد وسهل في الاجراءات متاع الاستثمار وشجع الشركات الاجنبية يخي هبطت للمرتبة 100 في سهولة اجراءات الاستثمار.

ولقا حل زادت للازمة متاع الاموال عمل خطة تسمح لناس بانهم يملكوا حساب بنكي لاول مرة ورقم كان مهول 200 مليون مواطن سجل في الخدمة هذي لاول مرة وعملوا حساب بنكي.

مودي شاف حكاية الضرائب على السلع  وكثرتها معندهاش فايدة يخي نقص فيهم وزيد وعد بش يصرف اكثر على البنية التحتية ووعد بش يصرف على السكك الحديدية 130 مليار منا ل 2020.

مودي في ظرف 4 سنين عمل برشا اصلاحات ونتائجها بش تكون على المدى الطويل  وحسن برشا في الهند ووعد المواطنين بانوا القرن 21 بش يشهد سيطرتهم و نفوذهم عالعالم والاقتصاد متاعهم ماشي ويطلع والمؤشرات لكل معاهم لكن، الهند مشاكلها برشا ولازم برشا وقت بش تتحل.

السؤال الي يتطرح هو انوا مودي بش يكون قادر انو يوفي بالوعود متاعوا في المدة الي حددها؟

Like
Like Love Haha Wow Sad Angry
2

Share your thoughts

Continue Reading

Actualités

un SMS pour SOS : من حملة فايسبوكية إلى مبادرة وطنية

Raed Abdelfattah

Published

on

« المفتي قدر زكاة عيد الفطر بدينار و700 مليم للفرد.
هيا يا tunisie telecom يا ooredoo يا orange تفاهمو مع جمعية sos قرى الأطفال وخرجولنا رقم موحد نبعثولو الكل بش نمنعوا الصغار الي مهددين بأنه يتم غلقها!

من فضلكم الناس الكل الي موافقة تحط الهاشتاغ على حيوطها

#un_SMS_pour_SOS »

كانت هذه الأسطر كفيلة بإثارة استحسان عدد كبير من التونسيين، الذين لم يبخلو بدعم هذه البادرة الطيبة بالنشر على حساباتهم الخاصة.

من الجدير بالذكر أن صفحة الفايسبوك « الاقتصاد بالفلاقي » كانت أول من دعا التونسيين إلى التضامن مع هذه الفكرة عبر إدراج الوسام (Hashtag) التالي  « un_SMS_pour_SOS# » عند نشر أي نص يدعم هذه البادرة. وقد ثمن كل من مفتي الجمهورية ووزارة المرأة والطفولة والمسنين هذه الحملة، داعين عموم التونسيين إلى توجيه زكاتهم إلى قرى الأطفال فاقدي السند.

كما تجدر الإشارة إلى أن تمويل الجمعية التونسية لقرى الأطفال SOS يتم بأساس عن طريق الدعم المادي الذي توفره الجمعية العالمية عبر :

– الهبات، والتي تمثل 60% من هذا الدعم

– الكفالة العالمية

هذا وتضم الجمعية العالمية 136 بلدا عضوا، وكانت قد أعلنت منذ سنة 2014 أنها سترفع الدعم بصفة جزئية عن 33 دولة بحلول سنة 2019 عبر إيقاف الهبات. و قد شمل هذا القرار البلاد التونسية  نظرا للسمعة الطيبة التي كسبتها الجمعية التونسية لقرى الأطفال SOS طيلة ال35 سنة التي استمر فيها الدعم العالمي، وباعتبار أن الاقتصاد التونسي بصدد تحقيق شيء من النمو.

وكاستجابة للحملة التي أطلقها رواد مواقع التواصل الاجتماعي، كان فريق عمل فقرة الماتينال بإذاعة شمس اف ام قد تكفل بالتنسيق بين جميع الأفراد المعنية عبر الاتصال بكل المتداخلين في العملية، والوضعية إلى حد الآن كما يلي :

– كافة مشغلي الاتصالات بتونس مستعدون لدعم الحملة عبر توفير رقم موحد للتبرعات والتنازل عن عمولتهم فيها.

– الهيئة الوطنية للاتصالات موافقة وجاهزة.

– الكتابة العامة لرئاسة الحكومة موافقة على المبدأ والجمعية الوطنية لقرى الأطفال تقدمت بالمطلب لدى مكتب الضبط منذ يوم أمس الموافق ل30 ماي 2019.

– العملية ستتم بتنازل الدولة والهيئة الوطنية للاتصالات عن أي أداءات على التبرعات.

– قيمة الإرسالية الواحدة ستكون دينارا.

ختاما، وفي انتظار الترخيص لانطلاق حملة التبرعات من قبل رئاسة الحكومة، تجدر الإشادة بوعي المجتمع المدني التونسي الذي ما انفك يبرهن عن تضامنه وتآزره مع جميع أطيافه في الأزمات والفترات الحرجة.

Like
Like Love Haha Wow Sad Angry

Share your thoughts

Continue Reading
0