Connect with us

À vos plumes

أول مرة

insatpress

Published

8 ans ago

on

[simplicity-save-for-later]

أول مرة نعاود نجيك و مانحس بشي..

اليوم مشيت لهاك البلاصة لي عديت فيها 4 سنين من حياتي و حفظت كل تركينة فيها..

مشيت لمعهد الشابي..

مشيتلو ضيفة و معاش هاك الإنسانة لي تدخلو بلهفة باش تراك و تخرج دموعها على خدها..

مشيت و خطوة القدام و عشرة التالي..

ماكنتش نحب نعاود ندخلو..

على قد ما كنت نحب هاك البلاصة و كل مانرجع لبلادي نمشيلها على قد ما كرهت كل خطوة تهزني ليها..

قمت الصباح و ماعينيش باش نمشي..

فديت..

كرهت كل تركينة تفكرني فيك..

كرهت كل بلاصة كنت تبقى فيها..

كرهت الدموع لي هبطوا عليك..

بديت حياة جديدة و فسخت عالأحزان..

نحب نفرح..

ماكرهتكش..

و كيما يقولو: الإنسان لي يحب عمرو ما يكره..

صحيح حبيتك و في قلبي حطيتك..

سكّنتك جوارحي.. دخلتك في أحلامي..

أما خليتني و مشيت..

نعرف لي ماكنتش حابب تمشي..

أما هكّا ربي حَبْ..

الكلنا ضياف في ها الدنيا.. و يجي نهار و ربي يهز أمانتو..

مخيبو هاك النهار..

نهار لي جاني خبر موتك..

نهار لي عالأكتاف هزوك..

دفنوك.. و بعدوك عليا..

و تصويرتك للذكرى في حيط الليساي ترسمت..

كنت نجي نبقى بحذاك، نخزرلك، نحكيلك على موتك شعملت فيا..

نحكي على كل تفصيلة صارت في حياتي من بعدك.. نبكي شويا و نقوم..

كنت نبقى مع صاحبك و نتفرجوا في تصاورك و في كل تفصيلة فيك..

نتفكروا تبسيمتك، كلامك، خزرتك و.. و حلمتك.. حلمتك لي ماتحققتش..

حلمتك بنجاحك في الباك و رضا الوالدين..

تفكرناك في دخلة الباك سبور.. و حد ما نساك..

كبار و صغار بكوا عليك..

أما.. جا نهار و معاش حازنين عليك..

كلهم رجعوا يضحكوا و نساوك فيسع..

نا مانسيتش.. و كيفاه ننسى..

كنت ديما نحلم بيك..

نكتبلك و انت تقرا و ماتجاوبنيش..

مخيبها الموت..

تعدا العام لول..

و كنت كلما نتفكرك نبعد عالناس الكل..

ديما حزينة.. تبسيمة صفرا و ديما يمشي..

و بعد عام و نص مالوجيعة بديت ننسى..

معاش نبكي عليك خاطر فديت و تعبت..

أما اليوم و بعد أكثر من عامين عرفت لي بُعدك معاش يأثر فيا.. دخلت لهاك البلاصة و خرجت منها من غير ما نلوج عليك..

على تصويرتك لي كنت نحكي معاها..

نسيتك.. نسيت كل تفصيلة فيك..

نسيت الدموع و الحزن لي موتك خلقتهم..

نحب نفرح.. نجنّح و نطير.. تخرج مني هاك البنية الصغيرة..

و نفرح و نفرح و نزيد نفرح..

ربي يرحمك و ينعمك.. و سامحني خاطر خنتك و معاش نلوج عليك..

عاودت حياتي بعدك و حلمتي تحققت..

حبيت من جديد.. نسيت.. تجاوزت.. و فرحت..

فرحت بالحق..

و نحيت من حياتي كل حاجة تفكرني فيك..

نسيتك و معاش نخمم فيك..

بقلم إلهام محمود

Share your thoughts

Related Topics:
Continue Reading

À vos plumes

L’ Amour acidifié

Avatar

Published

1 semaine ago

on

24 janvier 2026 [simplicity-save-for-later]

By

4

    Je me souviens bien de la glace que tu me faisais déguster chaque fois qu’on se voyait. Je la terminais la première pour attaquer la tienne ! Que j’adore l’acidité du citron que tu me faisais déguster(répétition de déguster). Un délice dont je ne pouvais(peux?) me passer ! Je continue à prendre cette glace chaque samedi comme on le faisait il y a un an, je longe la mer et finis par m’asseoir seule pour faire l’exercice que tu m’avais appris : on comptait jusqu’à trois, on fermait les yeux et on s’évadait main dans la main, écoutant les vagues qui chantaient notre amour calmement. Tu m’avais appris non seulement à t’aimer mais aussi à aimer la vie, à donner de la valeur à ses détails !

Je ne savais pas qu’une glace au goût acide pouvait m’emporter, me combler de joie et de satisfaction. Je rêvais toujours d’un homme qui m’envahirait de bijoux, d’or et de voyages luxueux. Aujourd’hui, je découvre qu’une simple glace est capable de satisfaire mes envies et mes attentes.

En fait, après un an de rupture, j’ai éventuellement compris que l’amour a le goût de citron. Malgré ma déception, ma faiblesse, mon cœur brisé, je continue à le savourer , à le trouver acide et fort, et à la fois, délicieux, exquis et merveilleux.

C’est fou comme c’est bon l’amour au goût de citron !

 

Share your thoughts

Continue Reading

Made with ❤ at INSAT - Copyrights © 2019, Insat Press