Connect with us

À vos plumes

Zodiac signs |السرطان يكيد العديان

Avatar

Published

on

33

يا سامعين هالهدرة الأكارم
باش نحكيلكم عاللي عدا حياتو
هايم و على وجه الدنيا عايم
في بلاد الله داير و حايم
على سر هالبرج يلوج و يدور
لكنو بغصتو مات مقهور
لا فهمو حنين و لا قاسي
لا ولفي و لا عشيرو ناسي
مرة حنين و مرة جافي
الكتمان يوصفو لكنو لا كافي و لا وافي
لكنو كلامو شافي
و ضحكتو تخلي القلب صافي
كان حبك يجيبلك الكون على كفك
و كان كرهك بيديك يشريك في كفنك
كان حبيتو و ماحبكش
عزة نفسك ما تضلمش
معاه ما تحاولش
يصحح راسو و مايطاوعش
يموت قلبك فوق نعش
و ما يحركلو حتى شعرة
السرطان هو يختارك
بيدو يشوشط قلبو في نارك
أساطيل العالم على جالك يعارك

كاتم سرو و سرو حبيبو
أحاسيسو في العادة يصيبو
يميز عدوو من قريبو
عديانو لحظورو يهيبو

كان صاحبك السرطان
أرتاح تهنى و اطمان
في حضورو عمرك ما تتهان
يدافع عليك و يقهر العديان
هذيكا محبتو
أشكال و ألوان
السرطان رمز الحنان
لكن قوتو في وقت الشدة تبان

Facebook Comments

33

Share your thoughts

Hola ... My name is Rim you can Call me Rima ...An English Major ...An art addict ...A reader ...A writer ...I was born to remind people to laugh ,enjoy life,and love each other <3

Series of stories

قصر الحكومة بالإنسات | المعارضة

Avatar

Published

on

By

207

يا سادة و يا مادة يدلنا و يدلكم على طريق الخير و الشهادة.
كيما نقولوا قبل كل حكاية، كي تقرا نحبك حالل مخك مش حاير و تخطف المعنى وهو طاير.
يا حسرة كي كانت أكا الأرض مسكونة و يا حسرة كي كانت حيوطها سخونة… توا في 2080 أرض الجنون المشومة ولات أرض العلم و القراية الدمدومة و ملي ولاو كبارات البلاد الكل يخرجوا من غادي صبحت قصر السلطة و الحكومة، وقرارات البلاد ولات تتاخذ من غادي و الوزرة داخلين خارجين شي عادي و اسمع يلي ماتسمعش : مقر الحكومة صبح في الإنسات و وزرة البلاد غادي قرات.

عاد فتكم بالحديث، عام 2079 تشكلت أول حكومة إنساتية و تم الموافقة عليها من طرف السلطة التشريعية.
و كيما أي حكومة ناجحة و فيها كفاءات لازم تلقا ناس فساد تحب تطيحهم و تحب تبقا من البلاد تقتات.
لوبيات البلاد المرة هاذي تلموا و عملوا في الإنسات عمارة و سماو رواحهم اسم جديد : سماو رواحهم الإدارة.
يحكيو أنو المعارضة الجديدة حبت تعمل للحكومة مكيدة وتخلي البلاد على الازدهار بعيدة أذاكا علاه سكّروا برشا مؤسسات عمومية و ولّاو يكريو فيها للحكومة بالمناسبات تقول وطيّة و طلبوا مقابل بقية المؤسسات زيادة في الشهرية.
و يقولوا زادا أنهم حاولوا يعطّلوا الوزرة في خدمتهم : ماخلاوش وزارة الطيران تصنع طيارات و تجيب طيارين باهين و ماخلاوش وزارة الروبوتات تجيب مستشهرين من الصين و حتى أكثر وزارة تشغّل في الناس قطعوا عليها الماتريال و ماخلاوهاش تكوّن المنخرطين و كل وزارة عندها حكاية و رزمة مشاكل مع هالمعارضين.

يقولوا أنو وقتها الوزرة تفاهموا برشا مرات مع المعارضة الي شعّلت في البلاد حريقة و صحّحوا معاهم عشرين وثيقة و كل مرة كانوا يخونوا الشعب إلي عطاهم الثيقة لكن العدل عمرو ما يبطى دقيقة، و يا نهار إلي يجي و يرتّح الوزرة و البلاد من هالشقيقة.

Facebook Comments

207

Share your thoughts

Continue Reading
0