Connect with us

À vos plumes

Zodiac signs| الصيد الصنديد

Avatar

Published

on

[simplicity-save-for-later]

صيدهم وسيدهم
وبرايو ديما يفيدهم
الحكمة يقلك أنا
الوهرة و الهمة و الفيانة
يا بخت اللي مالصيد عمل صاحب
ربح كنز ذهب يلمع ماهو شاحب
ايجا يا سيدي خلي نحكيلك
من مزاياه موال نغنيلك
صريح و كلامو صحيح
كان قالك راني وليدها
ماهو يبيع للمراكب في الريح
شجاع و صنديد
معدنو ياقوت ماهوش صديد
يا صيد الصيودة
يعجل أيامك خضرا مقدودة
يا صيد يا صنديد
يجعل أيامك كلها عيد
كيما اخواتو القوس و الحمل
هالبرج ولد النار
كان شكرتو راك عملت آفار
خاطرو يعشق الشكر و البندير
الله غالب في داخلو قلب طفل صغير
ما يغرك العياط و الزهير
كان وديتو و هديتو
يفرح بيك و عقلو يطير
لكني نحذرك و ننذرك
طيبتو و حنانتو لا تغرك
كان شعلت نارو و تغشش
الدنيا تقوم و ما تقعد
شعارو ان شاء الله تخلى و اللي يصير يصير
هاذي حكاية الصيد الصنديد
و ان شاء الله يحيينا الحي و نجي نحكيلكم على برج جديد

Share your thoughts

Hola ... My name is Rim you can Call me Rima ...An English Major ...An art addict ...A reader ...A writer ...I was born to remind people to laugh ,enjoy life,and love each other <3

Series of stories

قصر الحكومة بالإنسات | المعارضة

Avatar

Published

on

[simplicity-save-for-later]

By

يا سادة و يا مادة يدلنا و يدلكم على طريق الخير و الشهادة.
كيما نقولوا قبل كل حكاية، كي تقرا نحبك حالل مخك مش حاير و تخطف المعنى وهو طاير.
يا حسرة كي كانت أكا الأرض مسكونة و يا حسرة كي كانت حيوطها سخونة… توا في 2080 أرض الجنون المشومة ولات أرض العلم و القراية الدمدومة و ملي ولاو كبارات البلاد الكل يخرجوا من غادي صبحت قصر السلطة و الحكومة، وقرارات البلاد ولات تتاخذ من غادي و الوزرة داخلين خارجين شي عادي و اسمع يلي ماتسمعش : مقر الحكومة صبح في الإنسات و وزرة البلاد غادي قرات.

عاد فتكم بالحديث، عام 2079 تشكلت أول حكومة إنساتية و تم الموافقة عليها من طرف السلطة التشريعية.
و كيما أي حكومة ناجحة و فيها كفاءات لازم تلقا ناس فساد تحب تطيحهم و تحب تبقا من البلاد تقتات.
لوبيات البلاد المرة هاذي تلموا و عملوا في الإنسات عمارة و سماو رواحهم اسم جديد : سماو رواحهم الإدارة.
يحكيو أنو المعارضة الجديدة حبت تعمل للحكومة مكيدة وتخلي البلاد على الازدهار بعيدة أذاكا علاه سكّروا برشا مؤسسات عمومية و ولّاو يكريو فيها للحكومة بالمناسبات تقول وطيّة و طلبوا مقابل بقية المؤسسات زيادة في الشهرية.
و يقولوا زادا أنهم حاولوا يعطّلوا الوزرة في خدمتهم : ماخلاوش وزارة الطيران تصنع طيارات و تجيب طيارين باهين و ماخلاوش وزارة الروبوتات تجيب مستشهرين من الصين و حتى أكثر وزارة تشغّل في الناس قطعوا عليها الماتريال و ماخلاوهاش تكوّن المنخرطين و كل وزارة عندها حكاية و رزمة مشاكل مع هالمعارضين.

يقولوا أنو وقتها الوزرة تفاهموا برشا مرات مع المعارضة الي شعّلت في البلاد حريقة و صحّحوا معاهم عشرين وثيقة و كل مرة كانوا يخونوا الشعب إلي عطاهم الثيقة لكن العدل عمرو ما يبطى دقيقة، و يا نهار إلي يجي و يرتّح الوزرة و البلاد من هالشقيقة.

Share your thoughts

Continue Reading

Reading List


[simplicity-saved-for-later]

Made with ❤ at INSAT - Copyrights © 2019, Insat Press