Connect with us

À vos plumes

Zodiac Signs | الجوزاء : ملك الكواكب

Published

on

خرافتنا اليوم عاللي برجو بالزوز

يصبح زاهي و يعشي منبوز

نهار يرضي و يبشبش و عشرة خشمو عليك مهزوز

أما كانك شاري العشرة معرفتك في ملك الكواكب كنوز

عويناتو تلمع بالزور

ما يبيعش عشيرو مهما الزمان يدور

نرفوزي و فيسع ما دمو يفور

لكن قلبو أبيض و ووجهو يضوي بالنور

 ذاكرتو قوية كل شي في مخو محفور

ضامر و حداث كي يدخل في لمة عمرو ما يكون محقور

في كل بلاد يدور و على أخلاقو ديما مشكور

 يا جوزاء يعجلك سور و عدوك مكسور

 

يقولو عليه بزوز وجوه

قالو عليه كذاب هاذوكم اللي كرهوه

وعلى كلامو المعسول نبزوه و ظلموه

أنا نقلكم أحكمو على طبعو كان كي تعاشروه

 

حنانة الدنيا في قلبو

و النفحة ماهيش ذنبو

هكاكة خلقو ربو

داخل بعضو و مش فاهم روحو

و عينيه بأسرارو يبوحو

من طول لسانو مفضوح و هداريه فيسع ما يفوحو

مرة تحسو حنين و مرة تحسو قاسي

لكن مايشدش البغض ديما مشاكلو ناسي

بالضحك و التفدليك يتلف في المآسي

يقولو عليه منافق لكنو ديبلوماسي

 

ملك الكواكب

سفينة في وسط المراكب

لكن في عوض الربان عندو ثنين

واحد فرحان و لاخر حزين

و هاك الجوزاء مابين نارين

عمرو ما ينجم يرضي هالزوز سلاطين

 

يا ويل اللي قلبو للجوزاء مال

تلقاه وراه من حال لحال

عايم في جرتو من موجة لموجة

في كل تشقليبة كبدتو ممروجة

خلوقو ضايقة و كرومتو عوجة

ياللي حبيت الجوزاء اسمعها مني

راك تربح عقلك و ترقد متهني

كان جريت في حظوظو راهو يبعد عليك و يغني

و كان جريتو وراك يصبح رضاك متمني

 

اللي جات تحكيلكم في هالحكاية لا سمعتها في خرافة و لا قراتها في رواية

لكن طبعها و طبع هالبرج لحن لنفس الغناية

ما راتوش في المنام لكن شافتو في المراية

مخها يحوس في الهواء خاطرها باختصار برجها جوزاء

 

Like
Like Love Haha Wow Sad Angry
241

Share your thoughts

Hola ... My name is Rim you can Call me Rima ...An English Major ...An art addict ...A reader ...A writer ...I was born to remind people to laugh ,enjoy life,and love each other <3

Continue Reading

À vos plumes

ما تكنس حدّ

Published

on

By

نحب نهزكم لحقيقة بنينة ما شافها حدّ،

طلاب دافعوا على حقهم حتى كان الشي اشتدّ،

حسوا بالقهر والبعض منهم فدّ،

مشّوهم و جابوهم و فشّلوهم،

و لا حبّ يجيهم الردّ،

قالولهم البلايص قدّ قدّ،

و ما فمّا لا محاباة و لا وِدّ،

حتّى واحد فاهم لا أيّس و لا برِد،

نار تغلي شاعلة، طاقة فاعلة،

دموع و ستراس،

أمّا من قلب أحلى ناس تتسلّل الضحكة من ورا التعب،

في الحقّ ما فمّاش تمييز بين الشُعب،

يدّ وحدة وشدّوا صحيح،

حتّى كان ما واتاتهمش الرّيح،

شويّة عباد عالصوابع ما يتعدّوش أمّا في تنتيش الحقّ ما تعبوش،

و تعبهم ما مشاش خسارة،

امّخر أمّا في لخّر سمعنا البشارة،

قالوا البلايص قدّ قدّ أمّا هوما قالوا ما يتكنس حدّ.

بقلم سناء ميلادي.

Like
Like Love Haha Wow Sad Angry
1

Share your thoughts

Continue Reading
0