Zodiac Signs | عقرب ولا تقرب

قالو عليه مغرور و مسمام
بيرو غارق ما يعطيكش سرو حتى كان تعاشرو أعوام
غلطوكم هاللي قالو لكم هالكلام

قاللوكم عقرب و لا تقرب
قاللوكم فمو ساكت و هو في الدنيا يخرب
قاللوكم كان تعاشرو من دمك يشرب .

كذبو عليكم و زادو ربي يهلك حسادو
ياللي ما تعرف الحقيقة ايجا نحكيلك أخبارو

كان العقرب حبك عمرو ما يكويك بنارو
سعدك ياللي تخليه يحبك و بحضورك تشغلو أفكارو
امشي معاه بالنية يعليك و يعطيک مالعز كارو
« العين بالعين و السن بالسن  » هاذاكا هو شعارو

بحنيتو يطيبلك جروحك
يا ويلك كان تنوي الغدرة يعاديك و يقبضلك روحك

في أمرو تعجبو و احتارو
و على حقيقتو لفو و دارو
و لاموه اللي منو غارو

يا عقرب راك سيد العشاق و عدوك من نارك ذاق
صاحبك اللي بقيمتك فاق و عدوك رحمتك اشتاق

خرافتنا اليوم كانت على سلطان أبراج الماء
تسمع اسمو قلبك يرعش و تقول سبحانو اللي خلقنا طبايع كيفما شاء