Connect with us

Non classé

تاج الأبراج

Published

on

يا سادة و يا مادة يدلنا و يدلكم لطريق الخير و السعادة خرافتنا اليوم و على غير العادة عالأبراج اللي عددهم أثناش . طبايعهم أشكال ألوان اللي مغشاشين و اللي حنان و فيهم الساكت و فيهم الخرنان و اللي خواف و اللي بجنبو تلقى الأمان .

نحكيو اليوم عاللي برجو بالحمل طبيعتو نار صعيب و مغيار و كان تكر على روحك يجبدلك الخنار صادق و حنين و يعشق الفن و الزين أما لسانو فالت و كلامو جارح رغم اذاكا يسامحك اليوم بعد ما عاركك البارح .

مخو معبي مش فاضي وبدنو رياضي ديما مركز في المستقبل و ناسي الماضي. حقاني و عادل و رزين ينجح كان يخدم محامي و الا قاضي . كي يضحك يضحك من قلبو اما عمرو ما يبكي و الناس بجمبو .

ينجم يبان أناني و يجبد ليه أما حنين و كريم و اللي فيدو مش ليه .

الكوكب متاعوالمريخ و في مارس يزهى و يشيخ . أصحابو العقرب و الدلو و يطيرهالو الميزان ماكم تعرفو الصحبة خواطر و ألوان . و حكايتنا عالحمل وفات …

تاج دايرة الأبراج  و أول ثالوث النار خواتو الصيد و القوس اللي معاهم يتنافس و يحوس .

كان برجك بالحمل أقرا و عليك الأمان ان شاء الله يكون نهارك كيفك ضحاك و مزيان وكان على بقية الاثناش جايينهم جايينهم باش يدور الزمان و الحق يبان.

Like
Like Love Haha Wow Sad Angry
12

Share your thoughts

Hola ... My name is Rim you can Call me Rima ...An English Major ...An art addict ...A reader ...A writer ...I was born to remind people to laugh ,enjoy life,and love each other <3

Continue Reading

Non classé

Zodiac Signs | الدلو عاشق الزهو

Published

on

By

أيا سيدي نرجعو لمخ هدرتنا و عالأبراج نعاودو نبسطو سيرتنا
و اليوم خرافتنا عاللي برجو بالدلو اللي يشيخ عالطرب و يعشق الزهو
دمو بااارد و رزين و كانو ذكر عالمرا الذكية يحط العين
و كاني أنثى راي للات الأناقة و الزين
حداث و لسانو مطلوق و اللي يقصدو عمرو ما يرجع محقوق
منظم و نظيف و ديما مهندم ربيع شتا و لا حتى خريف
الدلو يا سيدي معدل عالهوا يعني أكثر مالإيه باش يقللك لا
راسو لا يتكسر لا بفاس و لا بعصا
و اللي يقللو عليه مخو يقللو on y va
قلبو معلق في سابع سما و ما ترفعو لا أرض و وطا
يحب يجنح و يطير لماح و عمرو ما يحير
شعارو في الدنيا  خليني نزدم و اللي يصير يصير
اسمو على جسمو مرة فارغ مرة مليان
مرة تظلام الدنيا في وجهو و مرة تزيان
واضح و اللي فما فما في حظورو الحقيقة تتوضح و تبان
و أكيد ما عندوش للنفاق مكان
أصحاب الدلو الجوزاء و الميزان يشيخ معاهم و يرا الدنيا بالألوان
الحاصل الخرافة عالأبراج مازالت طويلة و جماعة الدلو بالذات حكايتهم جميلة
ان شاء الله أيامكم كيفكم ظامرة و حلوة
و عمرها ما محبة الناس فيكم لا كانت بالقوة .

Like
Like Love Haha Wow Sad Angry
53

Share your thoughts

Continue Reading
0