Connect with us

Politique

اتحاد و الحكومة: زيد في الماء زيد في الدقيق

Published

on

هيا سيدي مبروك عليكم القطاع العام الزيادة في الشهرية !

تعبنا عليها و ربي يدوم نعمة الحكومات الضعيفة … اشنو، حتى هوما الاخوة حارقينها خدمة و انتاجية!

و كل الشكر للأخ نوردين الطبوبي، اللي بعد ما هدد باضراب عام و عمل شوية اجتماعات عامة في مؤسسات عمومية (بالطبيعة في وقت الخدمة مافيها باس)، ركب في المرسداس تسعة خيالي و مشى طل على القصبة جابلنا زيادة ب 250 د، و قرار بعدم خوصصة المؤسسات العمومية..

يا نعيما! العاقبة للوظيفة العمومية نشالله اضرابهم في نوفمبر و لكم العاقبة في الافراح و المسرات!

ايه؟ و شفيها كان نزيدو 2 مليار دينار في كتلة الاجور؟ خسارة في موظفين الدولة؟! هانا نشوفو في الادارات يا ما شاء الله، تقضي قضيتك من قبل ما تعتب الباب.. تلقاهم يستناو فيك يحشموك على روحك بالحرفية و حب العمل!

والا المؤسسات العمومية.. بكلها تخدم و تصور في الفلوس بالمشطة، و الخدامة مسيكنات يخدمو نهار و ليل و جوّهم فسفس كيما قال صديقنا.

و الميزانية شعملنا فيها؟ هاو حكومة يوسف، قلب الاسد، اشجع و اجرء رئيس حكومة في العالم، قلك هانا نحوسو في عجز ب 20 مليار و متسلفين يجي 10 مليارات لازمهم يخلصو، و نشالله تو عام الجاي نتحسنوا و ربي يقدر الخير…

تي ماهو عاد عام الجاي انتخابات، و مفما حد يساعدو انو تقوملو احتجاجات و عياط و زياط الايمات هاذي، لذا فخلينا نزيدو في الشهاري و منزيدوش في الضرائب و نجيبوا كراهب شعبية مدعمة و سيارات ادارية… اي كهو وخلي الوزارات تصرف و تستورد في اللي يجي، المهم تعدي هالنهارين و تو كي يجي اللي بعدنا يعمللنا هاك البكية متاع العادة، و شوية الريق متع « تركة الحكومات السابقة  » والسلام.

انا حقيقة بأمور اقتصاد مخي تكوخر و مفهمت شي، زعما احنا دولة تميل للاشتراكية و الا للرأسمالية؟ و شبيه الاتحاد ميدافعش على العمال في القطاع الخاص بنفس الشراسة؟ و شبيها الدولة تنحي في الدعم و تزيد في الشهاري؟ و كي هي سياسة تقشف، شبيكم مازدتوش في الضرائب و نقصتو في الواردات؟!

Like
Like Love Haha Wow Sad Angry

Share your thoughts

Continue Reading

À vos plumes

وهل لمجد الوطن الجريح عودة ؟

Published

on

By

Ante-scriptum: Tous les articles paraissant dans la rubrique ‘Politique’ ne reflètent pas nécessairement l’opinion du club.

 

ﺍﻫﺪﺍء ﺍﻟﻰ ﻛﻞ ﺭﻭﺡ ﻋﺮﺑية ﺍﻧﻄﻔﺄﺕ ﺑﻨﻴﺮﺍﻥ ﺍﻟﺤﺮﻭﺏ

 

علام سأﺑﻜﻲ ؟

ﻋﻠﻰ ﻗﻠﺒﻲ ﺍﻟﻤﺤترﻕ ﻣﻦ ﻟﻮﻋﺔ ﺍﻟﺤﺐ ؟ ﺍﻡ ﻋﻠﻰ ﻣﺎ ﺍﺻﺎﺏ ﺍﻟﻌﺮﺏ؟

ﻛﻞ ﻳﻮﻡ ﻳﺤﺘﺮﻕ ﻗﻠﺒﻲ ﺣﺴﺮﺓ ﻋﻠﻰ ﻣﺎ ﺣﻞ ﺑنا .. ﺍﻳﻦ ﺑﻼﺩ ﺍﻟﺸﺎﻡ ؟ ﺍﻳﻦ ﺑﻼﺩ ﺑﺎﺑﻞ؟

ﺳﻨﻮﺍﺕ ﻣﻀﺖ، و ﺯﻫﺮﺓ ﺍﻟﻌﺮﺏ ﻓﻠﺴﻄﻴﻦ لا تزال ﺗﺤﺖ ﻳﺪ ﺍﻟﻈﻠﻢ ﻭﺍﻻﺳﺘﺒﺪﺍﺩ، ﻭ ﺍﻟﻮﺿﻊ لم يتغير …

ﻣﺎ ﻫﺬﻩ ﺍﻟﻠﻌﻨﺔ ﺍﻟﺘﻲ أصابتنا ؟ ﺍﺻﺒﺤﻨﺎ أذلاّء أمام ﺍﻟﻐﺮﺏ ﺑﻌﺪﻣﺎ  ﺯﺭﻋﻨﺎ ﺑﺮﺍﻋﻢ ﺍﻟمعارف و ﻛﻨﺎ ﺭﻭﺍﺩ ﺍﻟﻄﺐ ﻭالعلوم. أﺻﺒﺤﻨﺎ ﺟثثا ﺑﻼ أﺭﻭاﺡ ﻓﻲ ﺣﺎﺿﺮ ﺟﺎﻑ، ﺑﻌﺪﻣﺎ ﻛﺎﻥ ﺍﻟﻤﺎﺿﻲ ﺑﺴﺘﺎنا ﻳﻌﺞ ﺑﺎﻻﻧﺘﺼﺎﺭﺍﺕ ﻭﺍﻻﻧﺠﺎﺯﺍﺕ. ﺟﻔﺖ ﺍﻻﻗﻼﻡ، ﻭﻻ ﺍﺣﺪ ﻣﻦ ﺍﻟﻌﺮﺏ ﻳﺴﺘﻔﻴﻖ ﻣﻦ ﺍﻟﺤﻠﻢ ﺍﻟﻮﺭﺩﻱ ﺍﻟﺬﻱ ﻳﺮﺳﻤﻪ ﺍﻟﻐﺮﺏ، ذلك الحلم الذي ليس سوى ﻛﺎﺑﻮﺱ ﺑﺸﻊ ﻳﺤﻄﻢ ﻛﻞ ﺣﺠﺮ ﻣﻦ أحجار ﻣﺎﺿﻴﻨﺎ.

ﻧﺤﻦ ﻣﻦ ألقينا اللعنة على أنفسنا، ﻧﺤﻦ ﻣﻦ ﻫﺪﻣﻨﺎ ﻣﺎﺿﻴﻨﺎ ﻭﺣﺎﺿﺮﻧﺎ ﺍلمليء ﺑﺎﻟﺤﺮﻭﺏ، ﻧﺤﻦ ﻣﻦ ﻗﺪﻣﻨﺎ ﺍﻃﻔﺎﻟﻨﺎ الحالمين بالعيش سالمين في وطنهم ﻗﺮﺍﺑﻴﻦ ﻟﻤﺼﺎﻟﺢ ﺍﻟﻐﺮﺏ، و ﻧﺤﻦ ﻣﻦ ﺍﻏﺘﺼﺒﻨﺎ ﻃﻔﻮﻟﺘﻬﻢ ﺑﺠﺸﻌﻨﺎ ﻭطمعنا ﺑﺮﺿﺎ ﺍﻟﻐﺮﺏ ..

ﻛﻨﺎ ﺍﺑﻄﺎﻻ ﻻ ﻧﻌﺮﻑ ﻃﻌﻢ ﺍﻟﻬﺰﻳﻤﺔ، ﺣﺘﻰ ﺍﻻﺳﻮﺩ ﻛﺎﻧﺖ تخشانا ﻭ ﺍلآﻥ .. يتلاشى مجد العرب ﻣﻊ ﻛﻞ ﻣﻨﺰﻝ ﻳﻨﻬﺎﺭ ﻓﻲ ﺩﻣﺎﺭ ﺍﻟﺤﺮﺏ. ﻭﻫﺎ أنا ﺍلآﻥ أﻧﻈﺮ الى ﺑﻠﺪﺍﻥ ﺍﻟﺨﻠﻴﺞ ﺗﻐﺮﻕ شيئا فشيئا ﻓﻲ ﺭﻏﺒﺎﺕ ﺍﻟﻐﺮﺏ، متجاهلة ﺿﺤﺎﻳﺎ ﺍﻟﻌﺮﺏ ﺍﻟﺬﻳﻦ ﺷﺮﺩﺗﻬﻢ ﺍﻟﺤﺮﻭﺏ. ﺍﻻ ﻳﻔﺘﺮﺽ ﺍﻥ ﺗﻜﻮﻥ ﻫﻲ و ﺑﻘﻴﺔ ﺍﻟﺒﻠﺪﺍﻥ ﺍﻟﻌﺮﺑﻴﺔ بمثابة ﺍﻻﻡ بالنسبة لهم و تحتضنهم ؟

ﻟﻨﺘﺬﻛﺮ ﺍﻧﻨﺎ ﺍﻣﺔ ﻭﺍﺣﺪﺓ نجتمع ﺗﺤﺖ ﺭﺍﻳﺔ ﺍﻻﺳﻼﻡ ﺟﻮﻫﺮ ﺍﻻﺩﻳﺎﻥ، فإن تشاركنا همّنا و آلامنا ﻟﻦ ﻳﻜﻮﻥ ﻫﻨﺎﻙ أﺣﺰﺍﻥ، و ان ﻛﻨﺎ ﻳﺪا ﻭﺍﺣﺪﺓ ﻟﻦ ﺗﺴﻄﻴﻊ ﻛﻞ ﺟﻴﻮﺵ ﺍﻟﻌﺎﻟﻢ ﺍﻟﺘﻐﻠﺐ ﻋﻠﻴﻨﺎ. ﻓﻠﻨسترﺟﻊ ﺍﻣﺠﺎﺩﻧﺎ ﻭ ﻗﻮﺗﻨﺎ، ﻓﻠﻨﺘﺤﺪ ﻣﻦ ﺟﺪﻳﺪ ﻟنعيد ﺍﻟﺒﺴﻤﺔ إلى ﻗﻠﻮﺏ ﺍﻃﻔﺎﻟﻨﺎ، ﻳﻜﻔﻴﻨﺎ ﻣﺎ ﺯهق ﻣﻦ ﺍلأرواح …

Like
Like Love Haha Wow Sad Angry
2

Share your thoughts

Continue Reading
0