À vos plumes
جربت ؟
Notice: Undefined variable: post in /home/insatprecm/www/wp-content/themes/insatpress2019/amp-single.php on line 116
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 116
Notice: Undefined variable: post in /home/insatprecm/www/wp-content/themes/insatpress2019/amp-single.php on line 117
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 117
جربت مديت وذنك لحيط، و على شقوقو سندت ظهرك و تمديت ؟
جربت تحكيلو و همك تشكيلو ؟
جربت تسمعو يواسي فيك، و تحس كل شق من شقوقو يقطع في عروقو ؟
جربت ؟
جربت تحكي مع غريب ؟
حاولت تكون لروحك طبيب ؟
جربت تسمع قلبك و دقاتو
عقلك و هداريه و همساتو
رواريك و النفس لي ماليهم .. ؟
اخطاك مالناس و هداريهم، تيه شعلينا فيهم !
جربت ؟
جربت تحب روحك و تعشقها ؟
و الغصة لي في وسطك بكلامك تخنقها و منك تخرجها ؟
و بحبارك على ورقة و فوق حيط اطرشقها
و تحصرها في تركينة و تشدها ماليد لي توجعها ؟
و زيد اوجعها كيما وجعتك و بوسها
بوسها و ودعها و احلف عليها، عمرك ماعاد تولي ليها ..
جربت ؟
و المرايا لي تعشقها ؟
و الكلمة لي مالوجيعة تخلقها ؟
و البسمة لي على وجهك ترسمها
و الدمعة لي عالحيط ترشمها
و حكايتك لي تحب توشمها ..
جربت ؟
جربت تكتب جواب للعين لي شغلتك
و للضحكة لي أسرتك و في وسط الطريق هربت و غدرتك
و منك ملّت و كلّت، و غابت و في غيرك عشقت و هامت ؟
جربت تتوجع و ماتبكيش ؟
تتقهر و تسكت ماتحكيش ؟
جربت ؟
جربت بغناية تتخمّر، و تكتب على شباك مغبّر
تنقش عليه اسمك، و تشطح و تحرك كل قطعة في جسمك ؟
جربت تضحك لين عينيك يتسكرو ؟
جربت تحب من غير حساب ؟
جربت تحب روحك و تسامحها ؟
و الڨلب و مايريد ..
جربت ؟
جربت تهرب لبعيد، تهرب مالناس و الحسّ ؟
جربت بروحك تحسّ، تكون طبيبك و تعلم نبضك وحدك تجس ؟
جربت تتمنى ؟
جربت تتمنى تعنيقة
دورة عقاب الليل فالحديقة
يتفكرك حد و تمرجك شهيقة
ننساك حتى دقيقة ..
جربت تحب روحك و تعشقها ؟ هاك الخنقة وقيت اطرشقها !
جربت تعطي وذنك للحيط ؟
جربت ؟