اعادة توجيه اوت … الفرصة الاخيرة

عسلامة و مرحبا بيكم كالعادة. اليوم بش نحكيو على réo août بشكل موجز، و بش نخليلكم فيديو في الاخر عاملها خونا اسامة بالهادية عن الاتحاد العام التونسي للطلبة UGTE تحكي عليها باكثر تفاصيل.

اعادة توجيه اوت تصير في الفترة الممتدة بين 10 و 16 اوت على الموقع، و 17 اوت بالملفات الصحية و الاجتماعية.

اول حاجة الشعب اللي فيهم اختبار ( TEST ) ماتنجمش تمشيلهم باعادة توجيه اوت، خاتر يكونو déjà عاداو اختباراتهم و ماينجموش يعاودولك ليك انتي وحدك (نذكر منهم الصحافة و المسرح و TBS و التربية و التعليم …).

بالنسبة للحالات اللي تنجم تعمل فيها إعادة توجيه تتقسم الى 3 حالات ( تلقاوهم في الصفحة 17 و 18 من دليل التوجيه الجامعي 2018 :

1- عادية بالسكور :

الحالة الأولى هي العباد اللي ماخذاتش اللي تحب عليه، والعباد اللي تحب تبدل choix متاعها، والعباد اللي بدلت رايها، و  يكون سكورهم اقوى من سكور الشعب اللي تسكرت ( توا تهبط على موقع التوجيه www.orientation.tn ).

كان سكورك اقوى  والا يساوي سكور اخر واحد دخل للشعبة هاكي، يعني مثلا سكورك 160 و سكور اخر واحد 159 تنجم تاخوها الشعبة ! اما كان سكورك  158.9 و سكور آخر واحد دخللها 159 ما تنجمش تمشيلها و مفماش أمل.

بالنسبة للعباد اللي تقول البلايص معادش و تسكرو ما تخافوش، راهو réo août يقبلوكم حتى كان البلايص تسكرو مادام سكورك اقوى.تنجم تحط 5 اختيارات كيف تعمر بالانترنات و تحط اسباب  عادية و ما تحتاج حتى وثيقة اخرى.

2- بالملفات لأسباب صحية :

الحالة الثانية هي العباد اللي عندها ظروف صحية تخليهم يبدلو التوجيه متاعهم، و هاذم الأوراق اللازمة موجودين في dossier، و تزيدهم  المطلب اللي بش تعمرو في الانترانات :

ركزو لنا راهو شهادة طبية ما تكفيش، لازم ملف صحي كامل يثيت عدم قدرتك على الدراسة بعيد على المكان اللي تداوي فيه. تنجم تحط 5 اختيارات كيف تعمر بالانترنات، و ماذابيك كون واقعي شويا يعني اختار شعبة سكورها موش بعيد برشا على سكورك و الا شعبة في نفس الdomaine اما في بلاصة ما اقرب.

3- اسباب اجتماعية :

حتى هنا لازمك dossier وتحط فيه الوثائق التالية :

و تضيفلهم اي وثيقة اخرى تنجم تبين الظروف الاجتماعية اللي تخليك تحب تبدل توجيهك.

كيفاه نبعث؟

تحط dossier متاعك في جواب كبير مضمون الوصول، تبعثو على العنوان التالي و تكتبو عليه العبارة « مطلب اعادة توجيه » :

بالنسبة لنتائج إعادة التوجيه، كل عام فما قرابة 2000 حالة إعادة توجيه يقبلوهم. تلقاو أكثر معلومات في مقال حول إعادة التوجيه في أوت. أيضا عندكم الفيديو هذا ينجم يعاونكم.

و ربي ينجكم و يفرحكم