Orientation
كلية العلوم الاقتصادية و التصرف بنابل FSEG Nabeul
Notice: Undefined variable: post in /home/insatprecm/www/wp-content/themes/insatpress2019/amp-single.php on line 116
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 116
Notice: Undefined variable: post in /home/insatprecm/www/wp-content/themes/insatpress2019/amp-single.php on line 117
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 117
عسلامة ليوم باش نحكيلكم على كلية العلوم الاقتصادية و التصرف بنابل و موجود كيفها في تونس، سوسة، المهدية، و صفاقس…..
الكلية هاذي système LMD فيها 3 سنوات اجازة و مرحلة ماجستير و مرحلة دكتورا. فيها ثلاث شعب كبرى : الاقتصاد، التصرف و إعلامية التصرف. كل شعبة فيها اجازة اساسية و اجازة تطبيقية و كل وحدة ليها آفاقها. بالنسبة للإجازات اللي تتقرّا في الكلية هذي هي :
-الاجازة التطبيقية في الاقتصاد: تأمين، بنك و مالية
-الاجازة الاساسية في الاقتصاد: عملة،مالية و بنك
-الاجازة التطبيقية في التصرف: محاسبة، و تصرف في الموارد البشرية
-الاجازة الاساسية في التصرف: تسويق، مالية و محاسبة
-الاجازة التطبيقية في اعلامية التصرف: اعلامية مطبقة على التصرف
-الاجازة الاساسية في اعلامية التصرف:الاعلامية المطبقة على التصرف
باش نتوسع في الاجازة التطبيقية في التصرف بحكم اني طالبة في الشعبة هاذي. الاجازة التطبيقية في التصرف اكثر effectifs طلبة موجود فيها ..
* العام الاول نقراو فيها:
– comptabilité
– principe gestion (هاذم نقراوهم عام كامل)
– droit
– math analyse
– micro_économie
– macro_économie
– statistique
– algèbre …
هاذم هوما les matières principales، شعبتنا هاذي عبارة على باكالوريا اقتصاد و تصرف زائدة حاجات جديدة. في العام الأول زادا عندكم تربص في العطلة الصيفية و الذي لا تقل مدته عن شهر.
* العام الثاني : نتخصصوا فيه امّا في المحاسبة او التصرف في الموارد البشرية كما ذكرت قبل، و تنقص علينا شويا مواد مع التربص.
* العام الثالث : يتم التركيز على ماهو تطبيقي و زيادة في مدة التربص، مع العمل على مشروع التخرج.
بالنسبة لsystème في كليتنا هو système فاك مش école، المعروف انو صعيب و يتوجب شويا خدمة و كأي قراية لازمها تعب. لكن هذا ميمنعش انو فيها طلبة نجباء و أنتجت برشا اساتذة منهم اللي يقريو فينا توا، و اساتذتنا لاخرين متخرجين من برشا جامعات معروفة و منها compus المنار و هذا يأكد انو قاعدين نتكونوا على ايدي اساتذة ذوي كفاءات.
نظام لقراية عنا Cours و TD لي هو يكمل الCours و لي يصير فيه élimination في الmatière اذا غبت برشا مرات و هذا لي يتسبب في انو الطالب يتأجل في الmatière هاكي لدورة التدارك و مايعديهاش في الدورة الرئيسية. بالنسبة لنظام الامتحانات،30% من note لي يعطيهولك بروف TD و 70% على examen.بالنسبة للنوادي عنا برشا نوادي في الفاك، أهمهم Club FSEG Junior.
مع تحيات الاتحاد العام التونسي للطلبة اللي باش يكون معاكم في الفاك لحظة بلحظة و ديما في خدمتكم و إن شاء الله ربي يوفقكم جميعا…
بقلم عفاف قريرة