المعهد العالي للإعلامية و التصرف بالقيروان ISIG Kairouan

عسلامة، باش نحكيلكم على المعهد العالي للإعلامية و التصرف بالقيروان 

هي مؤسسة جامعية حكومية تونسية تابعة لجامعة القيروان و تقع في مدينة القيروان تأسس هذا المعهد سنة 2002. فاكنا كبيرة و مزيانة ياسر و باش تلقاوا فيها أنشطة كما كرة القدم، و تلقاونا أحنا بالطبيعة أبناء الإتحاد العام التونسي للطلبة إنظمولكم رحلات و نعملوا projéction de film وحضرة و برشا حاجات مزيانة ..

شنوة الشعب إلي تقريهم L’ISIG ؟

*الإجازة التطبيقية في إعلامية التصرف

*الإجازة التطبيقية في التصرف

*الإجازة التطبيقية في الشبكات الإعلامية

*الإجازة التطبيقية في الإقتصاد

*الإجازة الأساسية في علوم الإعلامية

*الإجازة الأساسية في التصرف

كيفاش سيستام القراية ؟

لISIG بصفتها Système école فهي تعتمد نظام الإقصاء في الغيابات، يعني 3 غيابات فما فوق عن الدروس تحرمك من إنك تجتاز الإمتحان (partiel) و بالتالي تتأجل لدورة المراقبة.

ما تخافوش برشا أغلبية الأساتذة ما يعتمدوش النظام هذا و زيد مالعام هذا باش يتم تفعيلو في لISIG. أما نصيحة من أختكم ما تغيبوش على الكور خاطر الحضور مهم و أهم من حصة الأشغال الموجهة TD (حصة التمارين).

المواد :

 بالنسبة للمواد اللي تتقرا هي كالتالي :

– Les unités transversalles ( المواد هاذي ما تتعاودش في الكونترول )

– المواد الأساسية (حسب الشعبة)

و بخصوص مواد كل شعبة : خلي تجيوا الساعة للفاك و نلمكم في groupe  و محضرتلكم bilan على كل شعبة و آفاقها

كيفاش يتعداوا الإمتحانات ؟

بالنسبة للمواد الأساسية يتعداوا مرتين : المرة الأولى ds ( الكلمة هاذي باش تسمعوها برشا ) و إلي هيا كيما Devoir de contrôl في lycée، يعني تقرى و في نفس الوقت تعدي و الأستاذ هو إلي يختار تاريخ الفرض في الحصة متاعو، و يتحسب منو 20% في المعدل. بالنسبة للexamen و إلي هو Devoir de synthèse كيما في lycée و يتحسب منو 70% في المعدل.

و عندي ليكم خبر يفرح : في أغلب الأحيان L’ISIG نهار السبت مصلعة أما مش الشعب الكل

و مرحبا بيكم حذانا 

بقلم آلاء المناعي