Orientation
المعهد العالي للغات بتونس-ISLT
Notice: Undefined variable: post in /home/insatprecm/www/wp-content/themes/insatpress2019/amp-single.php on line 116
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 116
Notice: Undefined variable: post in /home/insatprecm/www/wp-content/themes/insatpress2019/amp-single.php on line 117
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 117
..المعهد العالي للغات بتونس و المعروفة أيضا ب »بورقيبة سكول »، فاك صغيرة بإسم كبير
نبذة تاريخية :
تأسس المعهد عام 1964 تحت اسم معهد بورقيبة للغات الحية. و مع تمديد المعهد عام 1991، تم تأسيس قسم جامعي في الخضراء و أدى القسم هذا في ماي 1999 إلى إنشاء المعهد العالي للغات بتونس و إلي ولّى يرتكز بالكامل على التدريب الجامعي (هذاكا علاش بقاو يعيطولها بورقيبة سكول).
السكور :
تلقاوه في دليل التوجيه الجامعي (الدورة الثانية) يمتد من الصفحة 4 حتى للصفحة 9.
باش يمتاز المعهد العالي للغات؟
يمتاز المعهد على الفاكات الأخرى بإنو إختصاص لغات فقط، هذاكا علاش تلقاو فيه أحسن الأساتذة (موجود أساتذة أجانب في بعض الاختصاصات) و formation جديرة بالذكر.
شنوا اللغات الي تقريهم الISLT؟
يتدم تدريس 8 لغات تتقسم كالآتي:
– فرنسية (إجازة أساسية+إجازة تطبيقية)
– إنقليزية(إجازة أساسية+إجازة تطبيقية)
– عربية (إجازة أساسية فقط)
– ألمانية و إسبانية و إيطالية و تسمى أيضا لغات أوروبية (إجازة أساسية فقط)
– صينية (إجازة أساسية فقط) و روسية (إجازة أساسية مع تطبيقية) و هذوما يتسماو لغات شرقية
السؤال الأكثر تداولا : سيستام القراية كيفاش؟
بورقيبة سكول تعتمد نظام الغيابات أو ما يسمى système école، يعني خمسة غيابات فما فوق عن الدروس تحرمك من إنك تجتاز الإمتحان (partiel) و بالتالي تتأجل آليا لدورة المراقبة (إطيح كونترول). ما تتفجعوش برشا أغلبية الأساتذة ما يعتمدوش النظام هذا و ما يقيدوش الغيابات، أما نصيحة مني ليكم ما تغيبوش على les cours مش خوفا لا يقيدوكم أما خاطر الحضور مهم جدا.
المواد الي تتدرس :
– المواد الأساسية إلي تتمثل في اللغة و الأدب و الحضارة
– مادة إختيارية
– Unité transversale
و كل محور من المواد الاساسية يتفرع إلى مواد أخرى، مثال الأدب تلقى فيه شعر و نثر (roman, poésie, novel, fiction…)، و تختلف التسمية من لغة إلى أخرى.
كيفاش تعديو الإمتحانات؟
بالنسبة للمواد الأساسية يتعداو مرتين، المرة لولا DS (الكلمة هاذي بش تعودو تسمعوها برشا) الي هي تشبه للكونترول في Lycée يعني تقرا و تعدي. الأستاذ يختار الdate في الحصة الي يقري فيها و يتحسب منو 30% في المعدل . بالنسبة للpartiel يتعدى في أول جانفي و يتحسب منو 70% في المعدل. بالنسبة للكتب و les oeuvres إلي تلقاوهم في مكتبة مقابلة الفاك يتعاملو معاها الأساتذة.
عندي ليكم خبر مفرح إلي نهار السبت الفاك ما تقريش! هذاكا نهار ليكم و للles activitès متاعكم. و حاجة أخرى مفيدة و مهمة لتكوين شخصيتك كطالب و أستاذ المستقبل إلي هي الندوات و الملتقيات و les journées d’études لمختلف اللغات، الي تنظمهم الفاك بالاشتراك مع جامعات أخرى أحيانا. عنا زادا نوادي كيما mandra الي هو خاص بالسينما العالمية و إلا نوادي رياضية.
كان تستهويكم اللغات مرحبا بيكم حذانا، و أهم حاجة إنكم تحبو الحاجة الي تعملو فيها و أتو تشوفو كيفاش تنجم توصل لبعيد !