في المونديال H و G

انطلقت منذ 3 أيام فعاليات العرس الكروي إلي العينين الكل تراقب فيه بشغف و لهفة و آمال كبيرة عاقدها الجمهور العربي على المنتخبات الأربعة إلي ممثلينا السنة في روسيا .. أيام قليلة شهدنا فيهم 3 خيبات أمل متتالية كانت أقساها إلي شهدها المنتخب السعودي بنتيجة 0-5 ضد روسيا في أثقل هزيمة في مباراة افتتاحية على مر الأزمنة في المونديال .. بعدها شهدنا إخفاقين لكل من المنتخبين المصري و المغربي بنتيجة 0-1 أمام الأوروغواي و إيران في الدقايق الأخيرة من عمر المبارتين .. و اليوم الجمهور العربي ما قعد عاقد النوارة كان في منتخبا الوطني باش يفرحنا و يفرح الجماهير العربية و الإفريقية بنتيجة إيجابية إن شاء الله في مباراتو الافتاحية أمام إنقلترا نهار الاثنين 17:00.

المنتخب التونسي السنة و بعد 12 عام من الغياب يرجع للمرة الخامسة في تاريخو للمونديال ضمن المجموعة G إلي تضم كل من إنقلترا، بلجيكا و بنما إلي لأول مرة في تاريخها تتأهل للمونديال.

تونس كانت أحرزت أول انتصار عربي و إفريقي في تاريخ المونديال قدام المكسيك يوم 2 جوان 1978 بنتيجة 3-1 و عام 2004 هزينا كاس إفريقيا على أرضنا.

أول منافسينا شيكون الفريق الإنقليزي إلي يشارك للمرة 13 في تاريخو .. و كانوا عام 66 أسياد العالم على أرضهم في مونديال شهد برشا خروقات و هفوات تحكيمية .. الانقليز عندهم عقدة يلزمنا نحسنو استثمارها إلي هي تعثرهم الدائم في البدايات.

بلجيكا فريق كبير مصنف في المراتب الأولى عالميا حسب آخرتصنيفات الفيفا و هو الأصعب في مجموعتنا .. يدربو الإسباني Roberto Martinez.

آخر مجموعات مونديال روسيا المجموعة H إلي تضم كل من بولونيا، اليابان، السينغال و كولومبيا.

السينغال ترجع للمرة الثانية في تاريخها بعد 16 عام من الغياب .. في 2002 ربحت فرنسا 1-0 بقيادة Aliou Cissé إلي السنة يرجع معاهم كمدرب. أحسن score أحرزتو السينغال في مشاركتها الوحيدة عام 2002 وقت خسرت في ربع النهائي قدام تركيا.

بولونيا تاريخيا كل ما تتواجد في مجموعة فيها منتخب إفريقي تضمن الدور الثاني.

اليابان كانت أول مشاركة ليها عام 98 .. ومن بين الطرائف إلي عاشتها إنها عام 50 ترشحت للمونديال لكنها كانت حينها مستعمرة بريطانية و بريطانيا منعتها من المشاركة في المونديال.

الفريق الكولومبي يضم ثلة من اللاعبين المحترفين على رأسها هداف النسخة السابقة رودريغيز .. وفيه زادة اللاعب Valderrama المشهور بشعرو المغوف إلي قال ما يحجمو كان ما تهز كولومبيا كاس العالم و إلي يبدو إنو لا يزال حلم بعيد المنال.

هكا نكونو عملنا دورة على تواريخ كل المنتخبات المشاركة في مونديال روسيا و خذينا فكرة على حظوظها في النسخة هاذي .. استناونا طيلة أيام المونديال توعدكم Insat Press بطغية لنتايج جميع الأدوار.