À vos plumes
نحب نزيد نحلم في الإينسات
Notice: Undefined variable: post in /home/insatprecm/www/wp-content/themes/insatpress2019/amp-single.php on line 116
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 116
Notice: Undefined variable: post in /home/insatprecm/www/wp-content/themes/insatpress2019/amp-single.php on line 117
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 117
نحب نحكي علحب، علصحبة، علأخوات، عالثقة، على الدنيا، ولآ الحلمة زعمة…
إنعم عشت عام كيما الحلمة. و ما أحلاها كلمة « كيما » كي تهزنآ الفوق الفوق، تقولشي عليك طفل صغير في درجيحة و تعيط أقوى أقوى، أما بعد تفيق بروحك في لحظة وقفت فيسع…
فيسع.. ساقيك في القاعة و بعد ساعات مجروحين و إنت مكش فايق …
قالولي، أي قالولي الإنسات حلمة لازم تعيشها… و عشتها، أما مازال بكري بش نفيق …مازال بكري … منحبش نفيق …
أما قاعدين يفيقوا فيا، يفيقوا فيا على حقيقة مانحبش لا نحسها لا نراها لا نسمعها …
فما عبد ما يحبش لحقيقة؟ أي فما كي تبدا لحقيقة تنسيني في الحاجات آلي ما أحلاها؛ في الضحكات ألي مالقلب؛ في الغصرات، أي نعم حتى الغصرات ألي عشتهم مع عباد ردوا من الغصرة نعمة؛ في كل حاجة منغير حسابات و لا برشا تخمام؛ في كلمة حلوة مزيانة… ما أحلاك… توحشتك… لاباس…ما تخافش… لطف عليك…نحبك… في الحاجات ألي خلاتني نقول اليوما نهار يعمل الكيف…
أما علاه؟
علاه لحقيقة ولات هكا؟… مش كي كنا صغار يقولونا الكذب حاجة خايبة؟ قالولنا…قولو ديما لحقيقة…علاه كي كبرنا خلينا الحقيقة كذبة ماخيبها و ما خيبنا معاها؟ …
نقصوآ الحس آمان …نقصوآ …نحب نقعد الطفلة الصغيرة آلي تفرح بكعبة حلوة … قمة سعادتي كي نمشي لدحدح … أكثر حاجة تنجم تحزني هي ما نلقاش الgateau ألي نحبوا في الpatisserie
نقصوآ الحس آمان .. مازال بكري… نحب نزيد نحلم في الإينسات…
بقلم ياسمين بالحاج حسين