..تعاش فيها ما تعاش

قداش من مرة خزرتلك و مشيت أما الي في قلبي عمري ما وريت.. قداش من كلمة حكيتها و رويت أما وحدي في الليالي الي خذيت تمنيت نحكي معاك كلام و نرويلك برشا أفلام منها الي عشتها و منها الي تجي معا الأيام .. بيني و بينك فما محبة ضايعة بين البسمة و النظرة الصايعة و على خاطر عمري ما نسيتك و لا من مخي محيتك حبيت نكتب و بحروفي نرسملي طيفك .. طيفك الي خلاني هايمة و في أحلامي الحلوة نايمة .. نعرف نعرف الي المحبة ما تضويش و الي على حبي ليك عمري كلو ما نحكيش كيفاس الحب بش يوصل؟ و كيفاش القلوب بش نوصل؟ يا ريت الوقت بيا ياقف و نرجع نعيش برشا مواقف .. خليني نحكيلك عاللي ساكني و نرويلك كلام  ديما  محيرني أما كلام و يهزو الريح و الدنيا على مسارها ما تزيح و على خاطر الوقت ما يوقفش و عقارب الساعة بالتوالي ما ترجعش قلت برا بعينيا نحكيلك يمكن هي أكثر مالكلمة تعبرلك و أقوى مالبسمة تمررلك .. أما يا فرحة ما تمت و يا حقيقة ما عمت طلعت في أوهامي عايشة على خاطر عشقتك و انتي ما فماش و الحكاية في أحلامي تعاش فيها ما تعاش هههه

أمل أولاد مرزوق