À vos plumes
هيبتا
Notice: Undefined variable: post in /home/insatprecm/www/wp-content/themes/insatpress2019/amp-single.php on line 116
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 116
Notice: Undefined variable: post in /home/insatprecm/www/wp-content/themes/insatpress2019/amp-single.php on line 117
Notice: Trying to get property of non-object in /home/insatprecm/www/wp-content/themes/insatpress2019/amp-single.php on line 117
بعيدا عن الذوق الفردي، و حتى إذا كان عمرك ما تفرجت في فيلم عربي نضرا لانحيازك لفئة الأفلام الغربية الكافرة xD (كيفي) خاصة إنو كلنا نؤمنوا و نعرفوا إلي الأفلام العربيه تتفق في كونها قالب واحد؛ قصه مملة، أحداث رتيبة، نضره سطحيه و الأهم لمسه إخراجية فاشلة… يعني الخلاصه إنك صعيب تكمل فيلم ما غير ما تحس إنو ساعة و نص ضاعوا من عمرك و تبدا تضرب في روحك (:3 …
إخترت إني نحكي على فيلم حسب رأيي كسر الحلقة، و ممكن ياسر تكون سمعت به خاصة إنو مقتبس من رواية تشهرت برشه.
الفيلم إسمو هيبتا، نحاول ماغير ما نحرق …. يحكيلنا على « the seven stages of love » / »المراحل السبعة للحب » (heptá = 7 باليونانية)، المراحل إلي تمر بها كل علاقة بين زوز. (بغض النظر عن رأي و موقف كل واحد فينا من الحب) الفيلم يتميز بتصور إخراجي جديد، و كيما يسميوها حبكة قصصية، جودة صورة و إضاءة ممتازة. بالحق نشوف إنو من الناحية التقنيه ينجح علخر.
نمشيو للاهم، قوة الفيلم في إنك وقت ما تبدا تتفرج، و بعد النص ساعه لولة تحس بخليط من المشاعر، بنوع من الفرحة و الذهول في ذات الوقت، خاطر ما كنتش تتصور إنو فما شكون في الدنيا هاذي نجم يوصل يفهم طريقة تفكيرك و يعبر على حاجات حسيتها، و يختزل برشا حديث ممكن حبيت في مرة تقولو و إلا توصلو لشكون أما ما لقيتش اللغة و الكلمات الصحيحة … و أكثر من هكا، أنو المراحل اللي نحكيو عليها قائمة على حقائق مثبتة، الشيء إلي يخليك تزيد تنغمس وقت تسقطها على تجربتك (تجاااااااااااااااااااااربك (:3 )… أنا متأكد إنو كل واحد مر أو قاعد يمر بعلاقة باش يلقى مراحلها و نهايتها في واحدة من قصص الفيلم، و باش يلقى روحو زادة يحلل و يخمم في موضوع كان يهرب يخمم فيه أو يواجهو حتى بينو و بين روحو …
بعد ما يوفى الفيلم، تحس إنو برشا مفاهيم زادت وضاحت عندك، إلي نظرتك ولات واقعية أكثر، و ممكن حتى يعاونك باش تؤسس لمبادئك الخاصة و قواعدك. تنجم زادة تحس بشوية خيبة أمل بسبب قسوة حقيقة الحب إلي تصورها أطوار الفيلم، لكنها للأسف تبقى صحيحة 3: … حاصيلو مانيش بش نزيد نحكي برشا نخليكم تكتشفوا D:
لازم نقول، إنو موش بالضرورة الناس الكل بش تحب الفيلم، أكيد مشكلة الذوق الفردي مازالت مطروحة.
طول الفيلم 150 دقيقه ، يمثل فيه مجموعه من الممثلين المصريين المعروفين، و هذا ليان (رابط xD ) متاعو https://openload.co/f/wgxzWBJwtwo/ZX25.Hepta.The.Last.Lecture.2016.720p.Cima4U.mkv.mp4
enjoy !